RPA - პროცესების რობოტიზაცია

კონკურენტუნარიანობის მატებასთან ერთად ორგანიზაციებს უწევთ მომსახურებაზე ორიენტირებულ სამუშაო მოდელზე მოქნილი გადართვა. მსგავსი ტიპის პროცესზე გადასვლის ერთ-ერთი მთავარი გამოწვევა სწორედ მომხმარებელთა მოთხოვნების ზრდაში მდგომარეობს.

თანამედროვე ტენდენცია გვიჩვენებს, რომ მომხმარებელს სურს მომენტალურად მიიღოს ნებისმიერი სახის პროდუქტი თუ მომსახურება. შესაბამისად, აქვთ მოლოდინი რომ ყოველგვარი სერვისი მიიღონ მარტივად, სწრაფად და ეფექტურად. ეს ყველაფერი ბიზნესისათვის ქმნის დამატებით გამოწვევებს და საჭიროებს დამატებით ხარჯებსა თუ ინვესტიციებს. ბიზნეს პერსპექტივიდან გამომდინარე, მომხმარებელთა ზემოხსენებული მოთხოვნების დაკმაყოფილება არ არის ხარჯეფექტური და ხშირ შემთხვევაში უხარისხოა.

გამოწვევები დიგიტალიზაციის კუთხით საკმაოდ მრავალრიცხოვანია და განსხვავდება ბიზნესის სპეციფიკის მიხედვით. ყველაზე რთული ასპექტი, რომელიც ყველა სფეროს თანაბრად ეხება, არის რუტინული და განმეორებადი დავალებების სიმრავლე, რასაც საკმაოდ დიდი გავლენა აქვს კომპანიის საერთო პროდუქტიულობაზე.

მსგავსი გამოწვევების აკუმულირებამ შესაძლოა საკმაოდ მძიმე უარყოფითი გავლენა იქონიოს უშუალოდ ბიზნესზე როგორც მოკლე, ისე საშუალო და გრძელვადიან პერიოდში.

RPA ტექნოლოგიის დანერგვა სხვა დანარჩენ სიკეთეებთან ერთად ხარჯეფექტურიცაა! რობოტებში ჩადებული ინვესტიცია უმოკლეს ვადებში ამართლებს თავს, რადგან სისტემა უწყვეტ რეჟიმში ამცირებს კომპანიის ხარჯებს. ქვემოთ მოცემულია RPA ტექნოლოგიის სარგებლისა და უპირატესობების არასრული ჩამონათვალი:

• პროდუქტიულობის ზრდა პროცესების დაჩქარებით;
• ადამიანური რესურსის ღირებულების მომტან საქმიანობაზე გადართვა;
• ხარჯების შემცირება რუტინულ ოპერაციებზე;
• მონაცემების ხარისხის გაუმჯობესება;
• შეცდომის შემცირება - 100%;
• სენსიტიურ მონაცემებზე წვდომის შეზღუდვა;
• არ საჭიროებს პროგრამირების ცოდნას.

UiPath მსოფლიო ლიდერი კომპანიაა პროცესების რობოტიზაციის სფეროში. 2005 წელს შექმნილი 10 კაციანი გუნდი დღეს 7 მილიარდის ღირებულების ბრენდს წარმოადგენს, რომელსაც ენდობა 6000+ მომხმარებელი მსოფლიოს მოწინავე კომპანიებიდან.